26 illik təcrübə,
vahid texnoloji ekosistem
iTech Group 2000-ci ildən etibarən Azərbaycanın rəqəmsal inkişafına töhfə verən, informasiya texnologiyaları və telekommunikasiya sahəsində fəaliyyət göstərən şirkətlər qrupudur. 26 illik fəaliyyətimiz ərzində qazandığımız təcrübə bizə mürəkkəb texnoloji ekosistemləri vahid platformada birləşdirən həllər təqdim etməyə imkan verir. İnfrastruktur, kibertəhlükəsizlik, proqram təminatı, coğrafi informasiya sistemləri, ağıllı şəhər texnologiyaları, kommunikasiya və digər əlaqəli sahələr üzrə təqdim etdiyimiz xidmətlər təşkilatların dayanıqlı və təhlükəsiz rəqəmsal mühit formalaşdırmasına xidmət edir.
Biz hər bir layihəyə təşkilatın strateji inkişafını dəstəkləyən və uzunmüddətli dəyər yaradan bir təşəbbüs kimi yanaşırıq. Buna görə də layihələrin konsepsiyasının hazırlanması, tətbiqi, inteqrasiyası və sonrakı istismarı vahid yanaşma əsasında idarə olunur. Bu gün iTech Group dövlət və özəl sektor, maliyyə, enerji, neft və qaz, telekommunikasiya, nəqliyyat, tikinti, sənaye, səhiyyə və digər strateji sahələrdə həyata keçirdiyi layihələrlə rəqəmsal transformasiyanın etibarlı tərəfdaşlarından biridir.
iTech Group fəaliyyətini müxtəlif istiqamətlər üzrə ixtisaslaşmış şirkətlər vasitəsilə həyata keçirən vahid texnologiya ekosistemidir. Şirkət korporativ informasiya texnologiyaları, proqram təminatı, sistem inteqrasiyası, texniki xidmətlər, distribusiya, pərakəndə satış, mühəndislik və tikinti sahələri üzrə ixtisaslaşaraq müştərilərə kompleks və inteqrasiya olunmuş həllər təqdim edir. Bu struktur müxtəlif sahələr üzrə dərin ekspertizanı vahid idarəetmə modeli altında birləşdirərək layihələrin planlaşdırılmasından təchizat, inteqrasiya, quraşdırma, istismara vermə və texniki dəstək mərhələlərinədək bütün proseslərin yüksək keyfiyyət standartlarına uyğun, çevik və səmərəli şəkildə həyata keçirilməsini təmin edir.
Beynəlxalq standartlar, rəsmi lisenziya
Beynəlxalq ISO sertifikatları və rəsmi dövlət lisenziyaları ilə dəstəklənən fəaliyyətimiz, təqdim etdiyimiz texnologiya həllərinin keyfiyyətini, təhlükəsizliyini və normativ tələblərə uyğunluğunu təmin edir.
Dövlət Lisenziyalarımız
Fərqli fəaliyyət istiqamətləri üzrə dövlət tərəfindən verilmiş rəsmi lisenziyalarımız.
Yüksək Texnologiyalar Parkının Qeydiyyat Şəhadətnaməsi
Pirallahı Yüksək Texnologiyalar Parkının qeydiyyat şəhadətnaməsi — parkdan kənar sistem inteqrasiyası və proqram təminatının hazırlanması və inkişafı sahələrində fəaliyyətə icazə verir.
Fərdi məlumatların qorunması lisenziyası
Fərdi məlumatların informasiya ehtiyatlarının formalaşdırılması barədə dövlət lisenziyası.
Yanğından mühafizə lisenziyası
Yanğından mühafizə işləri və qurğuları üzrə dövlət lisenziyası.
Tikinti lisenziyası
İcazə tələb olunan bina və qurğuların tikintisi və quraşdırılması üzrə dövlət lisenziyası.
Etibarlı Əməkdaşlığın Rəsmi Təsdiqi
Müştərilərimiz tərəfindən təqdim olunan referans məktubları uzunmüddətli əməkdaşlığımızın, peşəkar yanaşmamızın və uğurla həyata keçirilmiş layihələrin rəsmi təsdiqidir.
Texnologiyanın imkanlarını reallığa çeviririk
Texnologiyanın imkanlarını biznes və dövlət qurumlarının strateji məqsədləri ilə birləşdirərək təhlükəsiz, dayanıqlı və innovativ rəqəmsal ekosistemlər qurmaq. Müasir texnologiyaların tətbiqi vasitəsilə təşkilatların əməliyyat səmərəliliyini artırmaq, rəqəmsal transformasiyanı sürətləndirmək və uzunmüddətli inkişafına dəyər qatmaq.
Regionun rəqəmsal gələcəyinə istiqamət veririk
Azərbaycanın aparıcı texnologiya inteqratoru kimi mövqeyimizi daha da gücləndirərək, regionun rəqəmsal transformasiyasına istiqamət vermək. İnnovativ həlləri və qabaqcıl texnologiyaları kritik infrastrukturlara inteqrasiya etməklə, gələcəyin ağıllı, təhlükəsiz və dayanıqlı rəqəmsal ekosisteminin formalaşdırılmasına töhfə vermək.
Dəyərlərimiz
Şəffaflıq və Etibarlılıq
Bütün layihələrdə açıq kommunikasiya, məsuliyyətli idarəetmə və müştərilərimizlə qarşılıqlı etimada əsaslanan əməkdaşlıq prinsiplərinə sadiq qalırıq.
Müştəriyönümlülük
Hər bir təşkilatın ehtiyaclarını dərindən təhlil edir, biznes məqsədlərinə uyğun fərdiləşdirilmiş həllər hazırlayır və layihənin bütün həyat dövrü ərzində peşəkar dəstək göstəririk.
Milli İnkişafa Töhfə
26 ildən artıq fəaliyyətimiz boyunca Azərbaycanın rəqəmsal infrastrukturu, kritik informasiya sistemləri və strateji texnologiya layihələrinin inkişafında aktiv iştirak edərək ölkənin rəqəmsal gələcəyinin formalaşmasına töhfə verməyə davam edirik.
İnnovasiya və Keyfiyyət
Beynəlxalq idarəetmə standartlarına (ISO 9001, 27001, 45001, 14001) uyğun proseslər, qabaqcıl texnologiyalar və davamlı təkmilləşmə ilə hər layihədə yüksək keyfiyyət və innovativ həllər təqdim edirik.
Növbəti layihənizi birlikdə həyata keçirək
Layihənizin tələblərini bizimlə bölüşün. Mütəxəssislərimiz ehtiyaclarınıza uyğun həlləri qiymətləndirərək qısa müddətdə sizinlə əlaqə saxlayacaq.
- 1 iş günü ərzində ilkin cavab
- Məlumatların məxfiliyinə təminat
- İlkin konsultasiya və qiymətləndirmə