IP-telefoniya şirkətinizin rəqəmsallaşması mərhələlərindən biridir
Cari şəraitdə biznes, müştəri və tərəfdaşları ilə məxsusi əlaqə yaratmalıdır. Çünki köhnəlmiş telefoniya texnologiyaları yardımçı olmağa qadir deyil. Zəng edərkən müştəri uzun müddət xəttə gözləməli olursa, onun təkrar sizin şirkətə müraciət edəcəyi ehtimalı çox aşağıdır. İstənilən səviyyəli şirkət üçün yararlı olan IP-telefoniya bu texnologiyanı əvəzləməyə qadirdir. IP-telefoniya sayəsində siz, biznesinizin bütün xüsusiyyətlərini nəzərə alan fasiləsiz, keyfiyyətli və ucuz əlaqənin üstünlüklərini əldə etmiş olursunuz. Bu gün IP-telefoniya tətbiq edən müasir biznesin geniş imkanları haqqında iTech Group şirkətinin texniki direktoru Atamoğlan Tağıyevlə müsahibəmizdən geniş məlumat əldə edə bilərsiniz.

- IP-telefoniya mobil rabitə kimi biznes üçün növbəti ünsiyyət üsuludur? Onun üstünlükləri nədən ibarətdir?


- İP telefoniyanın inkşafı, rabitə sisteminin daha da genişlənməsini, insanların məkandan aslı olmayaraq bir birləri ilə tez və rahat ünsiyyət qurmalarına şərait yaratdı. Biznes mühitində əməkdaşların vahid platforma üzərindən müxtəlif vasitələr ilə (zəng, daxili çat, video zəng) əlaqə qurmasını IP telefoniyanın üstünlükləri kimi hesab edə bilərik.
- İP-telefoniya böyük zəng mərkəzləri üçün nəzərdə tutulub yoxsa müştəri bazası az olan şirkətlərdə də tətbiqi məqsədəuyğundur?

- Ən kiçik biznesdən başlayarq böyük həcmli şirkətlər, zavodlar ,banklar, dövlət təşkilatları hər birinin iş prosesində ip telefoniya sistemi əsas iş alətlərindən biri hesab olunur. Bu səbəbdən müştəri bazası olmayan şirkətlərdə sistemin tətbiq olunması bazanın formalaşması və biznesin inkşafına öz müsbət təsirini göstərir.

- Bu gün İP-telefoniya hansı seqmentlərdə daha çox tələb olunur?

- Pandemiya dövrü bizə şirkət əməkdaşı olaraq ofisdən kənar işləmək və xidmət göstərməyi, müştəri olaraq isə banka, restorana getmədən xidmət almağı öyrətdi. Bu proseslərin baş verməsi üçün biznes sahibləri və müştərilər arasında əlaqə düzgün və fasiləsiz qurulmalı idi. IP telefoniya bu sınaqdan uğurla çıxdı və bu gün istənilən seqmentdə uğurla tətbiq oluna bilər.

- İP üzərindən rabitə nə dərəcədə təhlükəsizdir? Onlayn dükanlar telefonla sifariş qəbul etdikdə, müştəri şəxsi məlumatlarını səsləndirməli olur. Bu məlumatları necə qorumaq olar?

- Sifarişçi və icraçı arasında rabitə qurulan zaman danışıqlar xüsusi protokollar vasitəsi ilə şifrələnir. Bu da kənar müdaxilələrin qarşısını alır. Artıq bu texnologiyada köhnəlmək üzrədir. Səs vaxitəsi ilə kimliyin təyin olunması artıq qonşu ölkələrdə tətbiq olunur və hal-hazırda ölkəmizdə bu proses test mərhələsindədir. Yaxın gələcəkdə səs vasitəsi ilə kimliyin təyin olunması funksionallığı biznes sahiblərinin istifadəsinə təqdim olunacaq.

- IP-telefoniyada bir sıra protokollar mövcuddur və müştəri TCP, UDP və digər texnologiyaları anlamaqda çətinlik çəkə bilər. Müştərilərin bu fərqi başa düşməsinə ehtiyac varmı?

- Bu məsələlər adətən şirkətlərin IT departamentləri ilə müzakirə olunur və sistemin hansı protokollar üzərindən işləyəcəyinə onlarla birlikdə qərar verilir. Ona görə də adi IP telefon istifadəçilərində bu tip məlumatların olmasına ehtiyac qalmır.

- Müştəri IP-telefoniyanı tətbiq etməzdən öncə nələri nəzərə almalıdır?

- İlk öncə şirkətin şəbəkə xətləri, switch-lər, təhlükəsizlik avadanlıqları kimi IT infrastrukturunun düzgün qurulması, stabil internetin və server resurlarının olması IP-telefoniya sisteminin tətbiqindən öncə nəzərə alınmalı olan ilkin amillərdəndir. Müştərinin xidmət sahəsi, biznesin bu günki və yaxın 1 ildəki vəziyyəti və şirkətin genişlənməsi nəzərə alınır. Növbəti mərhələdə CRM sistemlərin mövcudluğu və IP-telefoniya sisteminin onlarla uyğunlaşmasıdır. Bunun sayəsində müştərilərlə əlaqənin düzgün qurulmasını təmin etmək imkanı yaradılır.

- IP-telefoniya və onun funksiyalarının tətbiqinin iqtisadi cəhətdən məqsədəuyğunluğunu necə qiymətləndirmək olar?

- Tətbiq etdiyimiz IP-telefoniya sistemlərinin server və şəbəkə tələbatı minimal səviyyədə olduğundan, şirkətlərin mövcud IT infrastrukturunu istifadə edir. Bu səbəbdən də yeni və müasir sistemə keçid edilməsinə baxmayaraq, iqtisadi cəhətdən şirkətlər böyük vəsait xərcləmək məcburiyyətində qalmır. Əksinə, vahid zəng mərkəzi yarandığı üçün, quraşdırılmadan sonrakı dövürlərdə rabitə xərclərində böyük qənaət müşahidə olunur.

- IP-telefoniyada tipik xidmətlər paketi haqqında məlumat verərdiniz.

- Biz ItechGroup şirkəti olara IP-telefoniya üzrə müştərilərimizə bir neçə istiqamətdə xidmətlər təklif edirik.

Daxili IP-telefoniya sisteminin qurulması ilə əməkdaşlar yerləşdiyi məkandan aslı olmayaraq bir-biri ilə daxili telefon rabitəsi üzərindən əlaqə saxlayır, əlavə olaraq mobil tətbiq vasitəsi ilə xarici ölkədə olduqları zaman belə internet üzərindən daxili nömrələrini istifadə edə biləcəklər. Bu da şirkəti rouminq xərcəlindən azad edir. İkinci istiqamət - çağrı mərkəzi sisteminin qurulmasıdır. Bu zəng mərkəzi müştərilərə informasiya təqdim etmək, texniki dəstək vermək və s. bu kimi sorğuları cavablandırmaq məqsədi ilə qurulur. Bu zaman sistem mövcud müştəri bazası, CRM sistemi ilə inteqrasiya olunduğundan, artıq operatorlar zəngə cavab vermədən zəng edən şəxs haqqında avtomatik bütün məlumatları öz ekranlarında görür, zəng qəbul olunduqda müştəriyə adı ilə müraciət edir. Buda öz növbəsində müştəri məmnuniyyətini artıran məqamlardandır. Üçüncü istiqamət avtomatik zənglər sisteminin qurulmasıdır. Bu funksionallıq fərqli məqsədlər, məsələn, kreditin ödəniş müddəti yaxınlaşanda və ya gecikəndə sistem avtomatik şəkildə bu müştəriyə zəng edib gecikmə günü və məbləğini bildirmək üçün istifadə oluna bilər. Və ya CRM sisteminizdə olan dükanınızın daimi müştərinin ad günündə sistem avtomatik zəng edib (və ya sms göndərib) müştərini ad günü münasibətiylə təbrik edir və ona müəyyən mallar üzrə endirim təklif edir. Üstəlik sistem müştəri məlumat bazasında qeydə alınan nömrələrin işlənməsi, çatışmayan, işləməyən və ya səhv nömrələrin müəyyən edilməsi prosesini həyata keçirir.

- Bulud xidmətlərindən geniş istifadə, məsələn, virtual ATS-lərin tətbiqi İP-telefoniya bazarına necə təsir edir?

- Funksionallıqdan aslı olaraq müştərilər yerli və xarici bulud xidmətlərindən istifadə edə bilərlər. Daha öncə qeyd etdiyim kimi, mövcud infrastruktur minimum səviyyədə istifadə edildiyindən adətən müştərilər bulud xidmətindən istifadə etmir. Daxili infrastrukturun zamanla təkmilləşdirilməsi gərəkdiyindən, və bununla bağlı xərclərin olduğunu nəzərə alsaq, yaxın gələcəkdə bir çox şirkətlər IP-telefoniya sistemlərini də bulud xidməti üzərindən istifadə edəcəklər.

- Tətbiq etdiyiniz ən maraqlı həllər hansılar olub?

-
Azəreneji MMC-də mükəmməl rabitə sistemi qurmuşuq. Bu sistemin yenilənməsi ilə bağlı işlərə başladıqda, aydın oldu ki, istifadə olunan avadanlıqlar istehsalçı tərəfindən artıq dəstəklənmir. Dərin araşdırmalardan sonra müəyyən əlavə qurğular vasitəsi ilə köhnə analoq sistemi yeni IP-telefoniya sistemi ilə uyğunlaşdırmağa müvəffəq olduq. Nəticədə bu sahədə bütün ölkə ərazisində fasiləsiz rabitəni təmin etdik. II Qarabağ döyüşlərində ordumuz irəlilədikcə, Azərenerjinin əməkdaşları da işğaldan azad olunmuş ərazilərdə elektirik enerjisini bərpa edir, biz də onları izləyərək, həmin ərazilərdə daxili sistemi tənzimləyirdik. Düşünürəm ki bu - ItechGroup olaraq bizim üçün ən uğurlu, ən maraqlı və ən şərəfli layihə oldu. Həmçinin şirkətimiz bu layihə ilə yanaşı, bir sıra dövlət və özəl müəssisələrdə, xüsusi ilə Paşa Bank, Kapital Bank, Rabitəbank, Accessbank, Bank of Baku, Günay Bank, Bank Avrasiya, Paşa Sığorta, Paşa Life Sığorta, Paşa Technology, Atəşgah Sığorta, Günay Sığorta, Qala Sığorta, PMD Group və Abşeron Hotel Group otelləri, Diasporla İş üzrə Dövlət Komitəsi, Azəralüminium, Azərimed, Sumqayıt Xəstəxanası, DYP, SOCAR DYP, Socar DYP, Socar STP, Socar Socar Polymer, STDC və s. qurumlarda İP-telefoniya və zəng mərkəzlərinin tətbiqi istiqamətində iri layihələr həyata keçirib. Siyahı olduqca genişdir.

- Biznesin tələbatına cavab vermədiyi üçün altı aydan sonra dəyişdirilməsinə ehtiyac olmayan IP-telefoniyanı necə seçmək olar?

- Biznes inkşaf edirsə, deməli şirkətin xidmət sahəsi genişlənir, müştəri sayı isə artır. Bu halda şirkətə edilən zənglər də artacaq, zəngə cavab verən operatorların da sayını artırmaq lazım gəlir. Bu gün IT bazarında tətbiq olunan bəzi sistemlərin istifadəçi sayına görə limitləri mövcuddur. Məsələn, 50 operatorluq bir sistem quraşdırılıbsa, şirkət istənilən halda artıq yeni və genişləndirilməyə qadir sistemə keçid etməli olur. Şirkətin cari iqtisadi vəziyyəti və biznesin genişləndirilməsi üzrə yaxın gələcəyə olan planlarını nəzərə alaraq, sistem qururuq. Bizim işə yanaşmamız məhz budur.
- Şirkətiniz IP-telefoniya sahəsinin hansı vendorları ilə əməkdaşlıq edir və onların fərq və üstünlükləri nədən ibarətdir?

- ItechGroup şirkəti olaraq 20 ildən artıqdır ki, Azərbaycan bazarında xidmətlər təklif edirik. Fəaliyyətimizin əsas istiqamətlərindən biri IP-telefoniya sistemləridir. Hazırda biz 3CX, Snom, Fanvil, Karel və Yeastar kimi istehsalçılarla əməkdaşlıq edirik. Bundan əlavə, biz ölkəmizdə bəzi şirkətlərin rəsmi distribyutoruyuq. Şirkətimizdə bu istehsalçıların həlləri ilə işləmək üzrə beynəlxalq sertifikatlara malik yüksək səviyyəli mühəndislər çalışır. Beləliklə, əmin ola bilərsiniz ki, bizim qurduğumuz IP-telefoniya sistemi müştərilərlə daim əlaqə saxlamağa, daxili biznes proseslərini sadələşdirməyə və xidmət səviyyəsini yüksəltməyə imkan verəcək.
Telefon
+994 12 3101414
+994 51 2060960
Ünvan
Azadlıq prospekti 192E,
Bakı, Azərbaycan


Foto və video materiallar iTech Group-a məxsusdur

iTech Group 2024