Kibertəhdidlərin landşaftında "Sophos" həlləri ilə necə istiqamətlənməli
Sentyabr ayında Bakıda "iTech Group" və "Sophos" şirkətlərinin təşkilatçılığı ilə kibertəhlükəsizlik mövzusunda tədbir keçirilib. Konfransda yerli şirkətlərin rəhbərləri və İT şöbələrinin əməkdaşları, habelə Azərbaycan Kibertəhlükəsizlik Təşkilatları Assosiasiyasının (AKTA), Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin "ASAN İnnovasiyalar Mərkəzi"nin və Azərbaycan bazarında tanınan digər təşkilatların nümayəndələri iştirak ediblər. Tədbir iştirakçıları kibertəhdidlərin ümumi landşaftı, müəssisə şəbəkəsinə müdaxilə riskinin azaldılması və kiberhücumlardan sonra şirkətlərin işinin bərpası kimi mövzuları müzakirə ediblər.
Yeni nəsil kibertəhlükəsizlik sahəsində dünya liderlərindən biri olan "Sophos" şirkətinin həlləri bugün 150 ölkədə fəaliyyət göstərən 400000 təşkilatda 100 milyondan çox istifadəçini qoruyur. Mənzil-qərargahı Abinqdon şəhərində (Böyük Britaniya) yerləşən şirkət, kibertəhlükəsizlik sahəsində bir sıra bilik sahələrini əhatə edən və müəyyən vəzifələri yerinə yetirən müxtəlif qruplardan ibarətdir.
Məsələn, kibertəhdidlərin aşkarlanması və data analitikası sahəsində fəaliyyət göstərən qlobal "SophosLabs" qrupu, son nöqtələri və şəbəkələri son kiberhücum növlərindən qorumaq üçün bulud həlləri və süni intellekt üzərində işləyir.
Konfransda "Sophos" şirkətinin Satış üzrə mütəxəssisi Abhinav Verma və MDB, Hind okeanı regionu və Sudanda müştərilərlə iş üzrə Menecer Nişay Patelin məruzələri orta və iri sahibkarlıq subyektlərinin, habelə dövlət təşkilatlarının informasiya təhlükəsizliyinin perimetrini necə qurmalı və hər gün ortaya çıxan yeni təhlükə növlərinə qarşı hansı cavab tədbirləri görməli olduğuna həsr olunmuşdu. "iTech Group" şirkətinin Biznesin inkişafı üzrə direktoru Rövşən Əkbərovun moderatorluğu ilə çıxış edənlər həmçinin qonaqları "Sophos" şirkətinin məhsul xətlərinin yenilikləri ilə tanış ediblər. Baş tutmuş tədbir və "Sophos" şirkətinin Azərbaycanın kibertəhlükəsizlik bazarına təqdim etdiyi imkanlar haqqında daha ətraflı "iTech Group" şirkətinin Satış və Marketinq şöbəsinin direktoru Cabar Məmmədzadə danışdı.

- Bugün informasiya təhlükəsizliyinin təmin edilməsi üzrə planların işlənib hazırlanmasında əsas istiqamət ən yeni kibertəhdidlərin axtarışıdır. "Sophos" şirkəti bunun öhdəsindən necə gəlir?

- İqtisadiyyatın müxtəlif sahələrində bir çox əməkdaşın keçdiyi bulud texnologiyasının sürətləndirilmiş tətbiqi, rəqəmsal transformasiya və məsafədən iş kibercinayətkarların hücumları üçün imkanları xeyli genişləndirib. Hücumçular avtomatlaşdırmanı Sosial mühəndislik alətləri ilə birləşdirən kiberhücumların sayını artırmaq üçün taktika, metod və prosedurlarını da dəyişdirirlər. Bu cür hücumlarda hücumçular təhlükəsizlik divarları (fayrvollar) və son nöqtə qorumaları kimi qabaqlayıcı həllərdən yan keçməyə və administrator alətlərindən, pentest alət dəstlərindən və qeyri-peşəkar quraşdırılmış "Zero Trust" tətbiqlərindən istifadə etməyə çalışırlar.

Kibertəhlükəsizlik sənayesi "Endpoint Detection and Response" (EDR) ilə inkişaf edib və hazırda bu texnologiya təhdidlərin axtarışı üçün standart alətə çevrilib. Bugün təhdid ovu (Cyber Threat Hunting (CTH)) bütün növ təşkilatlar üçün kibertəhlükəsizlik planının ayrılmaz hissəsinə çevrilib. "Sophos" şirkəti də EDR əsaslı "Intercept X" həlli ilə bu bazarda liderdir. EDR hücumlar və mümkün təhdidlər haqqında çoxlu məlumat yaradır və Süni intellekt (Sİ) vasitəsilə təşkilatlara özlərini daha yaxşı qorumaq üçün bu məlumatlar əsasında qərar qəbul etməyə kömək edir. Bu həllər "Sophos" şirkətinə bir neçə ildir "Endpoint Security" proqram təminatı sənayesinin liderləri arasında olmağa imkan verir.

Yeri gəlmişkən, "Sophos" bu ilin əvvəlində "Zero Trust Network Access" adlı yeni həll istifadəyə verib. "Sophos ZTNA" və "Intercept X" ilə siz ən güclü yeni nəsil Maşın öyrənmə (Machine Learning) texnologiyası vasitəsilə təkcə tətbiqlərinizə çıxış imkanını deyil, həm də son nöqtələrinizi və şəbəkənizi fidyə proqramlarından və digər mürəkkəb təhdidlərdən qoruyursunuz. "Sophos ZTNA" bulud texnologiyası vasitəsilə təmin edilir və idarə olunur, "Sophos Central"a inteqrə olunur və bütün digər "Sophos" məhsulları, o cümlədən Endpoint, Firewall, Wireless, Mobile, Server və s. ilə birlikdə işləməyə imkan verir. Bu, daha asan və daha səmərəli olan kompleks ucdan-uca (E2E) qorumadır.

Bununla belə, EDR-in idarə edilməsi üzrə heyət təşkil edərək saxlamağa imkanı olan çox az sayda təşkilat var. "Sophos" şirkəti onlar üçün prinsipial olaraq yeni idarə olunan aşkarlama və cavab (Managed Detection and Response (MDR)) xidməti təklif edir. MDR, şirkətin mütəxəssislər qrupu tərəfindən həyata keçirilən və autsors edilən təhlükəsizliyin təmin edilməsi üzrə əməliyyatlardır. MDR xidmətləri, təhdidlərin araşdırılması, real vaxt rejimində monitorinqi və insidentlərə qarşı cavab tədbirlərinin görülməsini texnoloji axın və analitik alətlərlə birləşdirərək təşkilatınızın təhlükəsizlik qrupunu genişləndirməyə kömək edir.

- "Sophos" Azərbaycan bazarında başqa hansı həllərlə maraq oyada bilər?

- "Sophos" şirkətinin həll portfelinə təkcə kibertəhlükəsizliklə əlaqəli sistemlər daxil deyil, hərçənd bugün müəssisə şəbəkəsinin qurulması çərçivəsində əsas diqqət məhz buna yönəldilir. "Sophos" məhsullarının əsas üstünlüyü ondadır ki, onlar öz xüsusiyyətlərinə görə ölkəmizdə daha populyar istehsalçıların avadanlıqlarından praktiki olaraq heç də geri qalmır, həm alış, həm də sonrakı istifadənin dəyəri baxımından maddi üstünlüklər verir. Bundan əlavə, istehsalçı bizə potensial müştərilər üçün məhsullarının imkanlarını ödənişsiz nümayiş etdirmək, testlərin aparılması üçün tam funksionalı ayırmaq imkanı verir.

Azərbaycan bazarında "Sophos" həllərinin mövcudluğuna gəlincə, yuxarıda qeyd olunan EDR əsaslı "Intercept X" həllindən başqa, biz şəbəkə təhlükəsizliyi üçün "Sophos Firewall" həllərini təqdim edirik. Bu həllər istifadəçini və şəbəkənizdəki yoluxma mənbəyini tam müəyyən edə və cavab olaraq digər şəbəkə resurslarına girişi avtomatik olaraq məhdudlaşdıra bilər. "Sophos Switch" kommutator seriyası lokal şəbəkə (LAN) xaricində qoşulma, enerji təchizatı və girişin idarə edilməsi üçün bulud texnologiyası əsasında və lokal olaraq idarə olunan bir sıra şəbəkəyə giriş cihazları təklif edir. Seriya 8, 24 və 48 portlu variantlarda mövcuddur ki, bunları da əlavə konfiqurasiya parametrlərini quraşdırmaq üçün müxtəlif üsullarla, o cümlədən lokal veb-interfeys, əmr sətri interfeysi və ya SNMP ilə idarə etmək mümkündür. "Sophos Security and Data Protection" həlli də mövcuddur ki, bu da son nöqtələrin (endpoint), e-poçtun və internetin tam qorunmasını təmin edir və məhdud İT resursları olan təşkilatlara da tətbiq oluna bilər. "Sophos XDR" də mövcuddur ki, bu da daha yüksək dəqiqlik təmin edir və təhdidlərin axtarışı və İT əməliyyatları üçün təhlükəsizliyin gigiyenası ilə məşğul olan təşkilatlar üçün iş yükünü azaldır. Bu həll Office 365 istifadəçiləri üçün xüsusilə aktualdır, çünki ofis paketi ilə qüsursuz şəkildə inteqrə olunur. Simsiz şəbəkələri idarə etmək və qorumaq üçün sadə və effektiv bir üsul təqdim edən "Sophos Wireless" kimi bir həll də müştərilərimiz üçün maraqlı olacaqdır. Bu həll, hücumçuların giriş nöqtələrini aşkar etməyə imkan verir, təhdidləri müəyyənləşdirmək və təşkilatınızın şəbəkəsinə daxil olmaq cəhdlərinin qarşısını almaq üçün qonşu Wi-Fi şəbəkələrini təsnif edir. O, həmçinin vahid, genişlənə bilən "Sophos Central" platformasından idarə olunur.

- Bəs "Sophos" şirkətinin aralarında "iTech Group"un da olduğu tərəfdaşlarına münasibətdə siyasəti nəyin üzərində qurulur?

- "Sophos" üçün tərəfdaşlar və paylama kanalları birinci yerdədir. Şirkət hətta yeni məhsulların işlənib hazırlanması mərhələsində də tərəfdaşların istəklərini nəzərə alaraq onlarla sıx əməkdaşlıq edir, çünki məhz tərəfdaşlar son istifadəçilərlə birbaşa təmasda olurlar. "Sophos" şirkətinin yaratdığı struktur bizə kibertəhlükəsizlik bazarında uğur qazanmaq üçün lazım olan dəstəyi və resursları əldə etməyə imkan verir. "Sophos" həmçinin təkcə tərəfdaşların mühəndislərinin deyil, həm də müştərilərin iştirak edə biləcəyi bir sıra texniki təlimlər təklif edir. "Sophos Academy" mütəxəssislərdən və həmkarlarınızdan rəy almaqla öz tempinizə uyğun təlim keçməyə imkan verir. "Sophos" şirkətinin öz məhsullarının ən qısa tədarük müddətini təmin etmək üçün göstərdiyi səyləri də ayrıca qeyd etmək istərdim. Bütün dünyada mövcud logistika şərtlərini nəzərə alaraq, bəzi istehsalçılar avadanlığın vaxtında tədarükünə zəmanət verə bilmirlər, yaxud da bu və ya digər layihənin başladılmasını xeyli gecikdirən müvəqqəti şərtlər qoyurlar. Biz, "Sophos" şirkətinin Azərbaycandakı rəsmi tərəfdaşı olaraq, bu cür problemlərlə üzləşmirik, çünki qurulmuş logistika sxemi sifarişin verildiyi andan etibarən 4-6 həftə ərzində ölkəmizdə "Sophos" məhsullarını əldə etməyə imkan verir.

Telefon
+994 12 3101414
+994 51 2060960
Ünvan
Azadlıq prospekti 192E,
Bakı, Azərbaycan


Foto və video materiallar iTech Group-a məxsusdur

iTech Group 2024